Kennis om mei te bouwen

It ministearje fan VRO biedt ferskate subsydzjes en regelingen dy’t wenningbou by gemeenten, provinsjes en korporaasjes fersnelle kinne. Op dizze side stiet in aktueel oersjoch fan regelingen foar wenningbou, oandachtsgroepen en âldereinhúsfêsting, mei links nei de betingsten en de wize fan oanfragen

De Subsydzje- en finansieringswizer fan RVO helpt gemeenten, korporaasjes en oare partijen om passende finansjele regelingen te finen foar wenningbouplannen. Troch oan te jaan wa’t jo binne en wat jo sykje, krije jo in op maat filtere oersjoch fan beskikbere subsydzjes en finansieringsmooglikheden. De link iepenet fuortdaliks de filtere werjefte foar wenningbou-relatearre regelingen.

Dizze brosjuere fan it Ministerie van Binnenlandse Zaken biedt in praktysk en ynspirearjend hânfet foar it realisearjen fan wenningbou yn lytse kearnen. It dokumint is bedoeld foar oerheden, korporaasjes, merkpartijen en bewenners dy’t wenningbou yn lytsere doarpen en mienskippen konkreet meitsje wolle. De brosjuere is fergees te downloaden en heart by de Landelijke Versnellingstafel Woningbouw.

It Expertteam Woningbouw fan RVO stipet gemeenten en provinsjes mei ûnôfhinklik advys en praktyske help by it fersneljen fan wenningbouprojekten. It team helpt by knyppunten lykas gearwurking tusken partijen, lange prosedueres, netkongesty en stikstofproblematyk. De tsjinstferliening is fergees of fierhinne troch it Ryk finansierd en tagonklik troch in frijbliuwend intake-petear.

Yn Garyp transformearre ûndernimmer Johan Timmermans in ferfallen ryksmonumint út 1900 oant sân betelbere wenningen foar starters en soarchbehoevenden, hy woe sa de krimp tsjingean. Finansiering en subsydzjes foar it opknappen fan it monumint en foar it húsfestjen fan startters bleaunen út. Dêrtroch koe er de wenningen net ferhiere ûnder de liberalisaasjegrins en keas er foar ferkeap (mar wol tsjin lege prizen). Fia syn nije stichting wurket er no oan mear werbestimmingen yn Fryske doarpen.

Bewennerssinisjatyf Nijbou Raerd hat njoggen betelbere keapwenten (f.o.n. priis € 189.000, Q3 2023) foar ynwenners fan Raerd of minsken mei oantoanbere doarpsbining realisearre. Op syn minst seis fan de njoggen wenningen boud troch VDM Woningen gie nei dizze doelgroep. De huzen wiene bestimd foar minsken mei ynkommens yn de sosjale kategory, wat toetst waard fia de notaris.

Arneco yn Arnhem is in CPO-projekt fan 15 keapwenten, wêrby’t de bewenners mei-inoar in histoaryske pleats en bygebouwen transformearren ta in duorsume wenmienskip. It terrein omfettet mienskiplike tún, moetingsromte, wurkplakken en opslach, mei klam op kollektiviteit, duorsumens en behâld fan histoaryske wearde.

Ecodrop Zuiderveld yn Nijmegen is in behearkoöperaasje mei 46 lytse wenningen en mienskiplike foarsjenningen, wêrby’t wenningkorporaasje Talis eigener is. Bewenners beheare mei-inoar tún, moetingsromte en fasiliteiten, wurkje sirkulêr en duorsum, en fersterkje sosjale koheezje, mienskiplike beslútfoarming en partisipaasje binnen de mienskip.

It CPO-projekt De Klimop yn Gees realisearret fiif libbensrinbestindige skuorwenningen om in mienskiplik brink hinne yn in eardere skoalle. Fia kollektyf partikulier opdrachtjouwersskip bepale de bewenners sels ûntwerp en yndieling, mei begelieding fan in adviseur. It hiem biedt in mienskiplike moetingsromte en duorsume foarsjenningen, sûnder tuskenkomst en in projektûntwikkeler

CMO STAMM ûntwikkele yn 2025 in koarte gids mei fiif fazen fan in weninisjatyf, ynklusyf tips en ûnderfinings, bedoeld foar doarpsbewenners dy’t sels bouwe wolle. De gids helpt groepen dy’t passende wenten realisearje mei each foar noaberskip en in sterke mienskip, mar dêrby te meitsjen krije mei komplekse regels, finansien en lange trochrintiden.

De hantrekken fan de Landelijke Vereniging voor Kleine Kernen út 2024 biedt lokale inisjativen in dúdlik stappeplan foar nijbou of werbestimming. Per faze lêze je wat nedich is, wêr’t je om tinke moatte en hoe’t oare doarpen dit oanpakten. Ek komme gearwurking, finansiering en de Omgevingswet oan bod. In praktyske gids foar doarpen dy’t wenten realisearje en grip krije wolle op it proses

Dizze hantrekken fan Katalys út 2025 helpt doarps – en buertinisjativen dy’t tegearre wenten bouwe om grip te hâlden op wa’t der yn harren projekt wenjen komt, by de start en jierren letter. Do learst hoesto dyn tawizing fan keapwenten soarchfâldige en juridysk goed regelst. De gids is bedoeld foar CPO en oare kollektive foarmen, en biedt ek gemeenten hânfetten mei foarbylden, tips en in stappeplan.

Dizze publikaasje fan Platform 31 út 2020 biedt in oersjoch fan knyppunten en oplossingen foar weninisjativen fan senioaren. In soad groepen rinne by it opsetten fan in mienskiplike wenfoarm tsjin finansiering, gearwurking, lokaasje en organisaasje oan. De gids beskriuwt wenfoarmen, hoe in helbere businesscsase te heljen en de rol fan gemeenten. De gids biedt fierdere praktykûnderfining en oanbefellingen foar passende wenomjouwing en is bedoeld foar boargerinisjativen, sosjaal ûndernimmers en gemeenten dy’t mei senioaren wenfoarmen realisearje.

Dizze wurkwizer, opsteld troch de gemeente Winsum en de VNG yn 2016, helpt ynwenners, wykferieningen en doarpsgroepen by it meitsjen fan in sterk wyk – en doarpsplan. It dokumint biedt in helder proses mei praktyske tips en foarbylden, stipet gearwurking en jout gemeenten brûkbere ynput foar belied.

Dizze publikaasje fan Platform 31 út 2023 sketst de kânsen en knyppunten fan wenkoöperaasjes, in groeiende en betelbere wenfoarm dy’t in soad útsykwurk freget oangeande finansiering, organisaasje en gearwurking. Mei praktykfoarbylden út Nederlân en it bûtenlân lit de gids sjen hoe’t inisjativen harren plannen foarmjouwe, hokker obstakels se tsjinkomme en wat wurket yn de praktyk.

De startersgids foar in CPO fan Crowdbuilding út 2025 sketst helder wat in kollektyf partikulier opdrachtjouwersskip ynhâldt. Se lit sjen hokker foardielen dit biedt, lykas mear rezjy, legere kosten en in hechte community, en hokker útdagingen derby komme te sjen, lykas langere trochrintiden en yntinsyf oerlis. De gids befettet boppedat in koart stappeplan dat de wei beskriuwt fan it foarmjen fan in groep ta it krijen fan fergunningen, de bou en úteinlike oplevering.

Dit stappeplan fan Vereniging eigen huis foar de selsbou fan je eigen wenning beskriuwt hoe’t je fan idee nei nijbouwente geane, mei karren foar kavel, ûntwerp, belutsen partijen, fergunning(en) en finansiering

Dizze hantrekken fan de Rijksdienst voor Ondernemen út 2025 is rjochte op gemeenten dy’t kollektyf bouwe en wenjen stimulearje wolle. It helpt de amtners tûkelteammen foar boargerinisjativen fuort te nimmen mei praktyske tips, checklists en foarbylden.

De provinsje Fryslân biedt ferskate subsydzjes en regelingen foar de wen – en leefomjouwing.